Description
Aqeedah Ahlus Sunnah concerning Allah
and the misguidedness of the Wahhabi sect
‘Aqeedah (Croyance) concernant Allâh c’est enn sujet ki très important et ki chaque musulman bizin éna connaissance de ça. Nous bizin conne concernant nous Créateur, Celui ki nous pé adorer nuit et jour. Si nous pas apprendre ‘Aqeedah concernant Allâh convenablement, alors li fort possible que céki nous pé croire, li en contradiction avec Qur’ân et Hadeeth. Dans certains cas, capave tombe dans Kufr, sans ki nous être au courant.
Par exemple, parfois certains dimounes servi terme « LA HAUT-LÀ » pou Allâh. Bann ‘Ulamâ dire ki si pé servi ça terme-là pou attribuer direction et place à Allâh, alors c’est KUFR (la mécréance). Cela parce ki Allâh (Li) exempté de direction et de place. Coumça même, certains dimounes dire: « Allâh (Li) partout », malgré ‘Aqeedah Ahl-us-Sunnah Wal Jamâ’ah, ki finn être enseigné par bann ‘Ulamâ y compris A’lâhazrat Imâm Ahmad Raza Khan ؒ c’est que « Allâh exister sans place ».
Malheureusement, beaucoup frères/sœurs musulmans pas conscient de ça et zott continuer prononce bann paroles pareilles, par l’ignorance. En sus de ça, bann sectes égarés tel que bann Wahhâbiy pé égare plusieurs frères/sœurs musulmans, en prétendant ki c’est zott ki soi-disant vraiment croire dans “Tawheed” (l’unicité de Allâh) et ki zott soi-disant lors principe de bann Salaf Swâliheen (prédécesseurs pieux ; Swahâbah, Tâbi’iyn & Taba’ut Tâbi’iyn). Mais la réalité (li) tout-à-fait contraire de ça, car bann Wahhâbiy finn dévier depuis ‘Aqeedah de bann Salaf Swâliheen et zott ‘Aqeedah c’est enn ‘Aqeedah de « Tashbeeh » (donne Allâh ressemblance à la création) et « Tajseem » (attribuer le corps à Allâh). Inn Shâ Allâh, nous pou prouve cela avec preuve à l’appui.
Ainsi nous finn trouve nécessité pou explique ça sujet-là, à la lumière de bann versets Qur’ân, Hadeeth et paroles de bann ‘Ulamâ (savants) dignes de confiance. Comme li pas enn sujet facile, alors li possible ki ou gagne difficulté pou comprend certains choses ki nous finn expliquer. Dans ce cas, nous faire enn l’appel pou rentre en contact avec enn savant Ahl-us-Sunnah Wal Jamâ’ah compétent, pou li éclaircit ou lors bann points ki ou pas finn comprend.