Description
Method of Hajj, Umrah and Ziyaarat of Qabr of Rasoulullâh (صلي الله عليه وسلم)
Alhamdu Lillâh ! Chaque année nombreux frères et sœurs musulmans prépare pou alle Makkah Mukarramah, pou accomplir Hajj et ‘Umrah. Li bon garde en tête ki préparation pou accomplir Hajj veut dire aussi ki nous emprann comment accomplir Hajj correctement d’après Sharee’ah. Surtout quand nous pas conner si nous pou gagne l’occasion alle lors ça la terre-là encore une fois oubien non.
Dans chaque époque, bann ‘Ulamâ finn écrire plusieurs livres pou explique façon accomplir Hajj et ‘Umrah. Mais la plupart de ça bann livres-là (zott) dans la langue Arabe oubien Urdu. De ce fait, plusieurs bann frères et sœurs musulmans pas reussit emprann bann MASS’ALAH importants concernant Hajj et ‘Umrah et donc zott commettre plusieurs erreurs pendant Hajj et ‘Umrah.
Ainsi mo finn prépare ça livre-là pou explique brièvement façon accomplir Hajj et ‘Umrah. Puisque la plupart Hâjiy faire Hajj-é-Tamattu’, alors mo finn concentrer plus lors. À la fin, mo finn explique Ziyârat Madeenah Munawwarah à la lumières de quelques preuves. Mo demande à celui ki envi gagne plus détails lors ça sujet-là, pou li consulter bann livres tel que Bahâr-éSharee’at, etc…
